Koalicioni i OJQ–ve për Mbrojtjen e Fëmijëve në Kosovë – KOMF, në partneritet dhe mbështetur nga zyra e UNICEF në Kosovë, ndau mirënjohjet “Miku i Fëmijëve”, për kontribuesit më të mëdhenj të vitit 2018 në fushën e mbrojtjes së të drejtave të fëmijëve.

Mirënjohjet “Mik i Fëmijëve” u ndanë për: Familjen Strehuese për fëmijët pa përkujdes prindëror Hakile dhe Muharrem Lutfiu, kompaninë IPKO, Raiffeisen Bank, mjeku Mazllum Belegu, mësuesja vullnetare, Afërdita Tahiri, vullnetare, Dea Nikqi dhe mësuesja vullnetare ,  Syrije Myftari.

Sipas KOMF, ndarja e këtyre mirënjohjeve ofron një mundësi për të njohur publikisht përpjekjet, angazhimin dhe energjinë e shumë korporatave, bizneseve, personaliteteve, individëve, që japin një kontribut të rëndësishëm në Kosovë për mbrojtjen e të drejtave të fëmijëve. Në të njëjtën kohë kjo pritet të ndikojë në edukimin e shoqërisë për mbështetjen e kauzës për mbrojtjen e fëmijëve.